Á síðasta Náum áttum fundi vetrarins, miðvikudaginn 14. maí n.k., verður fjallað um barnafátækt á Íslandi.  Fyrirlesarar að þessu sinni verða þær Margrét Júlía Rafnsdóttir, verkefnastjóri hjá Barnaheillum - Save the Children á Íslandi sem fjallar um barnafátækt - brot á mannréttindum barna, Elísabet Karlsdóttir, félagsráðgjafi, MA. verkefnastjóri RBF fjallar um aðstæður reykvískra barnafjölskyldna og erindi Vilborgar Oddsdóttur, félagsráðgjafa hjá Hjálparstofnun kirkjunnar, heitir "Hver er svo raunveruleikinn"? 

Næsti morgunverðarfundur 12. mars nk tekur fyrir málefni sem varða næturlíf og neyslu í íslensku samfélagi.  Erindi flytja (1) Jóhann Karl Þórisson - aðalvarðstjóri Lögreglustöð miðborgar "...uns dagur rennur á ný", Skemmtanamenning í miðborginni, þróun undanfarinna ára,  hvert stefnum við? Skemmtanalífið í miðborginni  skoðað með augum lögreglunnar,  (2) Eydís Blöndal - varaformaður Sambands íslenskra framhaldsskólanema, "hvað segir unga fólkið um næturlífið?" og (3) Sveinbjörn Kristjánsson - sérfræðingur frá Embætti landlæknis "áfengisneysla Íslendinga og áhrif hennar á annan en neytandann", Hefðbundið er að kanna skaðsemi áfengis á neytandann eða samfélagið í heild. Í þessu erindi verður farið verður yfir kannanir frá árunum 2001 og 2013 á neyslu áfengis og neikvæðum áhrifum hennar á annan en neytandann. Þær samantektir sem koma frá lögreglu og Embætti landlæknis eru nýlegar en talsverð umræða hefur verið undanfarið um skemmtanahaldið í miðborginni.  

Fundurinn hefst kl. 08.15 á Grand hótel miðvikudaginn 12. mars nk. Fundurinn er opinn öllum á meðan húsrúm leyfir.  morgunverðarfundi Náum áttum PDF.

Skráning hér

Mjög góð mæting var á fyrsta Náum áttum fund ársins enda umfjöllunarefnið áhugavert og aðkallandi; brotthvarf úr framhaldsskólum. Að þessu sinni voru yfir 140 gestir mættir í salinn sem telst vera metmæting á morgunverðarfundina.  Fundarstjóri var Salbjörg Bjarnadóttir, geðhjúkrunarfræðingur hjá Embætti landlæknis og fyrirlesarar þau Kristrún Birgisdóttir - sérfræðingur í mennta- og menningarmálaráðuneytinu sem fjallaði um niðurstöður skráningar um ástæður fyrir brotthvarfi nemenda úr íslenskum framhaldsskólum 2013, Magnús Þorkelsson - skólameistari Flensborgarskóla en hans erindi hét Hvenær hættir maður í skóla og hvenær hættir maður ekki í skóla? og Þorbjörn Jensson - forstöðumaður Fjölsmiðjunnar með erindið Tækifæri á hliðarlínunni - inná brautina aftur.  Hér má sjá fundargerðina, um erindin, glærur frá fyrirlesurum og myndir sem Odd Stefán ljósmyndari tók.

Á fræðslufundi Náum áttum þann 8. nóvember 2010 var fjallað um "Áhrif niðurskurðar til framhaldsskóla á brottfall", þar sem kynntar voru niðurstöður rannsókna R&G, staðan í Fjölbrautarskólanum við Ármúla og fræðilegur fyrirlestur um hvaða stuðning nemendur í brottfallshættu þurfa. Sjá nánar á slóðinni http://naumattum.is/page/n8_fundur_17nov2010

Næstu fundur Náum áttum fjallar um uppeldi sem forvörn og mikilvægi þess að grípa snemma inní vandamál sem annars geta leitt til skaða.  Byrgjum brunninn er yfirskrift fundarins

Vel var mætt á fyrsta fund vetrarins á Grand hótel enda umræðuefnið að þessu sinni, unglingar og vímuefni, sígilt og þarft.  Margrét Lilja Guðmundsdóttir frá Rannsóknum og greiningu (og móðir) fjallaði um tvær skýrslur sem R&G hefur nýlega gefið út um niðurstöður rannsóknar á líðan og neysluvenjum barna og unglinga. Í þessum gögnum eru eingöngu upplýsingar um þá sem eru í námi (allir nemendur eru spurðir) en ekki þá sem eru utan skóla en eins og fram kom á fundinum er mjög mikill munur á neyslumynstri þessar hópa; utanskóla ungmenna eru í margfalt verri málum (glærur Margrétar Lilju).